تاوانەکانی پەیوەست بە شەڕەف

ئەو توندوتیژی و چەوساندنەوەیە کە بە ناوی شەڕەف ئەنجام دەدرێت تاوانێکی جددیە کە چەندین شێوەی ھەیە. ئەم بەشە ئەوە ڕوون دەکاتەوە کە توندوتیژیی و چەوساندنەوەی پەیوەست بە شەڕەف چییە و لە چی پێک دێن. ئەگەر ئێوە خۆتان بناسن، ئەوا دەتوانن لەبارەی ئەو ئازادی و مافانەی کە ھەتانە بخوێننەوە، ھەروەھا ئەو شوێنانەش کە تۆ دەتوانی پاڵپشتی و پاراستنت تێیدا دەست بکەوێت. ھەروەھا زانیاریی تایبەت ھەیە بۆ ئەو ھاوڕێ و ئەندامی خێزانانەی کە قوربانی تاوانەکانی پەیوەست بە شەڕەفن. بۆ ئەو کەسانەی کە ڕووبەڕووی کەسانی شکستبار دەبنەوە، ئەوا زانیاری ھەیە لەبارەی نیشانە جیاوازەکانی شکستباری، یاسا خۆجێییەکان، و لەکوێ داوای یارمەتی بکەی ئەگەر تۆ گومانی تاوانەکانی پەیوەست بە شەڕەفت ھەبوو.

توندوتیژی و چەوساندنەوەی پەیوەست بە شەڕەف، یان تاوانی پەیوەست بە شەڕەف، تاوانی ھەمەجۆر دەگرێتەوە، وەک ھەڕەشەی نایاسایی، دەستدرێژی، ئەو تاوانانەی کە بەشوودانی منداڵی تێدایە، و تاوانی سێکسی ھەمەجۆر. لەوەتەی 1ی حوزەیران، 2022، چەوساندنەوە لەسەر شەڕەفیش بە سەرپێچییەکی تاوانکاری ھەژمار دەکرێت.

ئەمە تەنھا ئەو تاوانانە ناگرێتەوە کە لە سوید ئەنجام دەدرێن کە بەرەو سزادانی ئەنجامدەرەکە سەردەکێشن و مافی قوربانییەکە دەدەن کاتێک پەیوەندی بە تاوانی پەیوەست بە شەڕەف ھەیە. بەڵکو ئەو تاوانەش دەگرێتەوە کە لە دەرەوە ئەنجام دەدرێن، وەک ئەوەی کە باوک یان دایک منداڵەکەی بباتە دەرەوە بۆ بەشوودانی بە منداڵی، ئەوا دەرەنجامی نەخوازراوی دەبێت لە سوید.

لە بەشەکانی دواتردا، تۆ زیاتر لەبارەی ئەوەوە دەزانیت کە تاوانی پەیوەست بە شەڕەف چییە و پاڵنەرە باوەکانی چین. ھەروەھا زانیاری تێدایە لەبارەی تازەترین گۆڕانکارییە یاساییەکان لە ھەرێمەکەدا، کە بە مەبەستی بەھێزکردنی پارێزگاری لە دژی توندوتیژی و چەوساندنەوەی پەیوەست بە شەڕەف دانراون.

زانیارییەکە ئامۆژگاریش لەخۆ دەگرێت کە تێیدا قوربانییەکان، ئەندامانی خێزان، و ھاوڕێکان دەتوانن پاڵپشتی و ھاریکاری بەدەست بھێنن، ھەروەھا ئەوەش کە پسپۆڕەکان دەتوانن چی بکەن بۆ بەرەنگاربوونەوەی تاوانەکانی پەیوەست بە شەڕەف. سەرباری زانیاری لەباری مافەکانی منداڵان، ھەرزەکاران، و گەوران، ئەم لاپەڕەیە بەستەرەکانی بۆ زانیاریی قوڵ لەبارەی قەرەبووکردنەوە تێدایە، ئەمە جگە لە بابەتەکانی تر.

زانیاریی گشتگیر لەسەر توندوتیژی و چەوساندنەوەی پەیوەست بە شەڕەف

زۆرێک لە ماڵپەڕەکان زانیاری و بابەتی پەروەردەیی لەسەر شەڕەف و تاوانی پەیوەست بە شەڕەف دابین دەکەن. تیمی دەسەڵاتی نیشتمانی لەبەرامبەر توندوتیژی و چەوساندنەوەی پەیوەست بە شەڕەف لە ئەنجومەنی کارگێڕی پارێزگای Östergötland و ڕێکخراوەکانی وەک ڕادا بارنێن و ئۆریگۆ ماڵپەڕیان ھەیە کە زانیاری بەرفراوانی لەسەر بابەتەکە تێدایە. بۆ ئەوانەی ئارەزوومەندی فێربوونی زیاترن لەبارەی توندوتیژی و چەوساندنەوەی پەیوەست بە شەڕەف، ئەوا خولی سەرھێڵیش ھەیە کە لە ڕێگای Knowledge Guide دەستت پێیان دەگات.. ئەمە لیستێکی گشتگیر نییە بۆ ئەو سەرچاوانەی کە زانیاریی فراوانیان تێدایە، بەڵام نمونەیان تێدایە.

ماڵپەڕ لەسەر توندوتیژی و چەوساندنەوەی پەیوەست بە شەڕەف